[ بسم الله ]
بسْم الله و بالله .. مِنَ الله
إلىٰ الله .. و في سبيل الله
نبدي :
الحچي اعلْه احسين
بالويلاه .. او جرِّ الآه
ويَّه حُجَّةِ الله
حُسين يا حسين~حُسين يا حسين
___
يا ربِّي إِشْرَح لِيَ صدري و احْلُل العُقده ابلساني
يا ربِّي و ارزقني التشَرُّف أبچي ويْ صاحب زماني
نبچي سوه اعْله زينب
و الدمعه دُرَّه تنَصب
باللّون الارجواني
من ينادي يا جدّاه ..
سيفي يرتقب يرتوي منِ الدَّم
و احنه ننتقم ويّاه ..
الواحد اِبْألِف و اللّي بادي أظلَم
مرسوم ابعينه .. جدّه امحاوطينه الخيل
ما ينسه احسينه .. ما دام الصبُح و اللّيل
من عمّه راسه الحَارْ .. صار اْو صار
ذو الفقّار .. يطفي النار بالنّار
و احنه :
اعْله هذا الحال .. ليل اِنْهار
و الأنظار .. تترقّب يوم الثارْ
حُسين يا حسين~حُسين يا حسين
___
گالولي بالرَّجعه الشَّريفه احسين اوّل من يجينه
و الدنيا يحكمها إلى أن حاجبه ايْطيح اعْله عينه(١)
يا ربّي واللي رِدْته
أرجَع زمَن رجِعْته
و اصبح مُلُك يمينه
و آنه حتّى ذاك اليوم
أبقه منتظر طلْعته الرشيده
و اجري للمدامع دوم
بلكي بالدَّمِع ينغسل وريده
ناري سرَّايه .. ما بين الـ[متىٰ] و الـ[وين]
ما دام الرَّايه .. حَمره اعْله گبَّة اِحسين
مهما الظَّلام ايْسود .. عدنه اوْعود
بالموعود .. ايردّ السَّلام اردود
فتره :
او تمر ليَّام .. تالي ايعْود
و المريود .. حُكمه ابحُكُم داوود (٢)
--------------------------------
(١) عن أبي جعفر عليه السلام قال:«إنَّ أوّل من يرجع لجاركم الحسين بن علي عليه السلام فيملك حتى تقع حاجباه على عينيه من الكبر»
(٢) عن أبي عبيدة أن الإمام الصادق (عليه السلام) قال له في حديث طويل: «يَا أَبَا عُبَيْدَةَ، إِذَا قَامَ قَائِمُ آلِ مُحَمَّدٍ (عليهمالسلام)حَكَمَ بِحُكْمِ دَاوُدَ وسُلَيْمَانَ، لَا يَسْأَلُ بَيِّنَةً»
ميرزا عادل أشكناني
أداء وألحان: الشيخ حسين الأكرف
كلمات: ميرزا عادل أشكناني
التوزيع والهندسة الصوتية: محمد عليق
إخراج: يوسف جرادي
مدير تصوير: مصطفى دهيني
مدير إضاءة: نوفل جدوع
مساعد مصور: جمال زهوي
مساعد إضاءة: علي شكر
مهندس ديكور: أيمن جابر
مونتاج: شريف غندور