كانت بداية اللقاء بسؤال «شيكو» لنجم ليفربول: «هتعمل إيه لو صحيت مرة واحدة واكتشفت نفسك وأنت راكب مواصلات ورايح المقاولون عندك ماتش نادي المحلة وكل ده كان حلم» ليرد «صلاح»: «هعمل نفس اللى عملته تاني».

وأكد «صلاح»، أنه لم يفكر في ارتداء تيشرت رقم «10»، وأن رقمه الحالي هو المفضل بالنسبة له، أما بالنسبة لخوفه من سرقة الجوائز أثناء ذهابه للمنزل بها بعد الحصول عليها قال: «متقلقش أنا مش خايف ومسيطر».

ورد صلاح على سؤال، هل اختلاف طريقة القيادة في إنجلترا، كانت قوية وصعبة على نجم «ليفربول» في أول شهرين من إقامته؟ قائلًا: «أول شهرين كنت بطلع على الرصيف».

وكشف «صلاح»، خلال حواره الكوميدي، أن الشناوي وكهرباء أكثر لاعبين للطلبات أثناء عودته لمصر من ليفربول: «أصحابي استغلاليين جدًا ودائمًا بيطلبوا التشيرتات وأحمد الشناوي بيطلب كل يوم وكهرباء كل ساعتين»، فيما أكد «صلاح» أنه رفض عرض تجارب التمثيل الحقيقية التي عرضت عليه في مصر.

لم ير «صلاح» شيئا أمامه على مدار العشر سنوات الماضية سوى كرة القدم: «مكنتش بفكر في حاجة غير الكرة وكنت خايف مطلعش لعيب كرة في النهاية».

وبشأن هل مدحت شلبي، من المعلقين الرياضيين المفضلين لنجم ليفربول؟ قال: "تعليقه في مباراة الكونغو لم يذهب عن ذهنه".

صلاح أكد أنه يؤمن بالحسد، لكنه لم يفكر كثيرًا: «أنا مؤمن بالحسد بس مش ببخر البيت كل يوم زي ما الناس فاهمة والناس بتحسب في الدقيقة والثانية بأرقام من دماغهم بس مبشغلش بالي خالص».

بوابة فيتو

24